Lieder (E) » Es wird scho glei dumpa
Info
Text & Musik: Christkindl-Wiegenlied aus Tirol, erstmals 1913 von Franz Friedrich Kohl (1851-1924) und Josef Reiter (1862-1939) veröffentlicht
Die Fassung mit hochdeutschem Text finden Sie hier.
Kategorien:
Gemeinfrei
Dieses Lied ist gemeinfrei, da alle beteiligten Urheber bereits vor über 70 Jahren verstorben sind.
Notenblatt
Sie können das Notenblatt beliebig oft drucken, vervielfältigen und verwenden.
» Notenblatt für "Es wird scho glei dumpa" (in A-Dur) herunterladen (PDF-Datei)
Liedtext
1. Strophe
Es wird scho glei dumpa, es wird scho glei Nacht,
drum kimm i zu dir her, mein Heiland, auf d'Wacht.
Will singa a Liadl dem Liebling, dem kloan,
du magst ja net schlafn, i hör di nur woan.
Hei-hei, hei-hei! Schlaf süaß, herzliabs Kind!
2. Strophe
Vergiss jetzt, o Kinderl, dein Kummer, dei Load,
dass du da muasst leid'n im Stall auf da Hoad.
Es ziern ja die Engerl dei Liegestatt aus,
möcht schöner net sein drin an König sei Haus.
Hei-hei, hei-hei! Schlaf süaß, herzliabs Kind!
3. Strophe
Ja Kinderl, du bist halt im Kripperl so schön,
mi ziemt, i kann nimmer da weg von dir gehn.
I wünsch dir von Herzen die süaßeste Ruah,
die Engerl vom Himmel, si decken di zu.
Hei-hei, hei-hei! Schlaf süaß, herzliabs Kind!
4. Strophe
Schließ zua deine Äugerl in Ruh und in Fried,
und gib ma zum Abschied dein Segn no grad mit!
Dann wird a mein Schlaferl so sorgnlos sein,
dann kann i mi ruhig aufs Niedalegn freun.
Hei-hei, hei-hei! Schlaf süaß, herzliabs Kind!